சனி, பிப்ரவரி 05, 2022

சொல்பேச்சு

  தானே தன்னைப்பற்றி ம்பிக்கை வார்த்தை சொல்ல வேண்டியிருக்கும் தருணம் அவலமடா என்றேன்

முழு சகதி

அந்த அரைச்செங்கல்லில் நிற்கப் பார்க்கிறேன்
உனக்கு அதுவும் பொறுக்கவில்லையா என்கிறான்

******************************************************
கசம் கசம்
கீழே போடு
என்று விரட்டும் அம்மாவைப் பார்த்தபடியே
எக்காளச்சிரிப்போடு தத்தித்தத்தி நடந்து
பிடுங்கி எறிந்த குப்பையை எடுத்து
வாயில் வைத்துக்கொள்ளும்
குழந்தையாகத்தான் செய்கிறது மனது

********************************************************
”சொன்ன பேச்சைக் கேக்குற பழக்கம்
பரம்பரையிலேயே கிடையாது”

அடிக்கடி அம்மா சொல்கையில்
திட்டுகிறாளா
புலம்புகிறாளா
என்று எவரும் திரும்பிப் பார்க்காத வீட்டில்
யாரிடம்தான் சொல்கிறாள்
யோசிக்கிறது விளக்கு மாடம்
தன்னிடம்தான் என்று அதற்கும் தெரியவில்லை





கருத்துகள் இல்லை:

வாழ்ந்தா....

  மாரியம்மன் கோயில் வாசலில் ஆடும் தோரணங்களையும் பொங்கல் அடுப்பு புகைமூட்டத்தையும் ஒன்றின்மேல் ஒன்றாக சரசரக்கும் காக்காய்ப்பொன் சரிகைப் பாவா...