எங்கள் பூசல் நிறைவுற்றது என்று
மயிலிறகு சொற்களால்
வாழ்த்திக் கொண்டிருக்கிறார்கள் இருவர்
கம்பிக்கதவுக்கு வெளியே
உற்றுநோக்கியபடி இருக்கும் காகம்
க்கா என்று குரல் கொடுத்துப் பார்க்கிறது
மயிலிறகுச் சொற்கள்
தலைதிருப்பி ஒரு மந்தகாசப் புன்னகை வீசி அமர
ஆஹா, திரிபுரசுந்தரி
ரௌத்திரத்தை
இப்படி ஒரு உருண்டைச் சோறாக்கிக்
கொடுத்து விடேன் எனக்கும்
அந்தக் காகத்துக்கும்
நாலு பருக்கை போட்டுப் பசியாறிக் கொள்கிறேன்
இரையாத மனசு
இரந்தபடி நாட்கள்
கருத்துகள் இல்லை:
கருத்துரையிடுக