சனி, பிப்ரவரி 05, 2022

யானை கட்டும் சணல் துண்டு

      அதீதங்களின் மின்னல் வெட்டுக்குள்

முகம் பார்த்துக்கொண்டு

அதீதங்களின் தூறலுக்குள்

நாவை நனைத்துக்கொண்டு

அதீதங்களின் சிறு 'விஷ்க்' வீசலுக்குள்
தலை உதறிக்கொண்டு
சமாளிக்கிறேன்
ஆனால் அதீதங்களை
வாழ்வில் ஒருமுறை மட்டும்தான் காட்டுவாயா
*************************************
ஊருக்குள் நுழையுமுன் அவசர அவசரமாகக் கழுவி விட்டிருக்கிறது மழை
மரங்களும் கூரைகளும்
சொட்டிச்சொட்டி ஜாடையாக சொன்னதை
சிலிர்த்துக்கொண்டு ஒப்புக்கொள்கிறது பசு

பெய்யும்போது நனைந்தால்தானா **************************************
மடித்து மடித்து
அடுக்கி அடுக்கி
அதற்கொன்றும் குறைச்சலில்லை
சரிந்து விழாதபடி
எடுக்கத்தான் தெரியவேயில்லை ************************************
ஆன வயசுக்கு...
நைந்த சணல் துண்டு
இதை வைத்துக்கொண்டு
எத்தனை யானைகளைக் கட்டியாகிறது

கருத்துகள் இல்லை:

வாழ்ந்தா....

  மாரியம்மன் கோயில் வாசலில் ஆடும் தோரணங்களையும் பொங்கல் அடுப்பு புகைமூட்டத்தையும் ஒன்றின்மேல் ஒன்றாக சரசரக்கும் காக்காய்ப்பொன் சரிகைப் பாவா...