காக்கா கொத்திவிடாமல் கறுப்புத்துணி விரித்துத் தானியம் துழாவிவிட்டுத்
தனியாக ஓரிடத்தில் குருணை வைக்கத் தெரிகிறது
மிச்சத்தை வழித்துத் தெருநாய்க்குப் போடும்
ஜீவகாருண்யப் பந்தியைச் சரியாக
நாலுவீடு தள்ளி நடத்துகிறாய்
யாரென்று அடையாளம் தெரிந்தபின்னரே
புன்னகை செலவழிக்கிறாய்
இந்தப் பாடங்களெல்லாம்
நடத்தியபோது
நான் விடுப்பா என்ன
********************************************
ஒரு சிட்டிகை நம்பிக்கையை வைத்துக்கொண்டு
தினந்தோறும் தினந்தோறும் ஆக்கி அவித்து முடிக்கிறாய்
புதிதாய் கூடுதலாய்
இன்னுமொரு சிட்டிகையாவது கிடைத்திடாதா
என்ற ஏக்கத்தோடு
நீ திறக்கும் ஜாடிகள்
உனக்கு முன்னால் குரல் கொடுக்கின்றன
திறந்திடு சீசேம்
இங்கு இருப்பு இல்லை என்பதை
இப்படியும் சொல்லலாமோ
கருத்துகள் இல்லை:
கருத்துரையிடுக