ஒருநாள்
ஒரே ஒருநாள்
விட்டுவிட்டுப் போனால்
முகத்தைத் திருப்பிக் கொள்கிறது வீடு
நேடிவ் போயிருந்தேங்க
அலைபேசியில் சொல்லிக்கொண்டே நடக்கும்போது
தலையில் நிலை இடித்தாற் போலிருந்தது
சொன்னவுடன்
சொல்கிறாள் தோழி
நீ பாட்டுக்கு ஊர்வீடு போல
நாமதான் குனியாம வந்துட்டோம்னு
நினைக்காதே
எனக்கென்ன குறைச்சல்
கறிவேப்பிலைக்கொத்தேன்னு
நிலைதான் இறங்கிக்குட்டியிருக்கும்
இப்போது நானென்ன செய்ய
நம்புவதா
இன்னொரு முறை
"நேடிவ்ல ...."
சொல்லிப் பரீட்சிப்பதா
கருத்துகள் இல்லை:
கருத்துரையிடுக