சிறகு முளைத்த நத்தை

 திரைச்சீலையைச் சற்றே ஒதுக்கினேன்

வெளிச்சத்துக்காக

கண்ணாடிக்கு இந்தப்பக்கமிருந்த

என்னால்

அந்தப்பக்கம்

தொங்கும் வெள்ளைப்பந்துமிதக்கும் வானச்சீலையைத் தொட்டுத்தள்ளிவிட முடியுமெனத் தோன்றுகிறது

எப்பேர்ப்பட்ட வெளிச்சம் ********************************************

யார் கண்டுபிடித்தார்கள்

இந்த வயதை

இருபத்துநாலு மணிநேரமும்

அந்த எண்ணைக் கர்ணகுண்டலம் போல மாட்டிக்கொண்டு திரியவேண்டுமா

இந்த தோடும் வேண்டாம்

அது கவிழ்க்கும் ஓடும் வேண்டாம்

கூட்டுக்கு அடியில்

ஒளிந்திருக்கும் மழுமழு நத்தை உடலுக்கு இரண்டு சிறகு பொருத்தலாம் வா