கையிலேறும் எறும்பைப் போலப் பாராமலும் பதறாமலும் தட்டிவிடப்படும் அந்தஸ்தில்தான் இருக்கின்றன சில நினைவுகள்
விஷம் இறங்கிவிட்டதான பிரமையை உதறு
வெற்றுக்காலுடன்
புல்மீது நட
உள்ளிறங்கியிருந்தாலும்
இப்போது கழிந்திருக்கும் மிச்சசொச்சம்
**************************************************
சகிக்கவில்லை
இத்தனை அன்பாய் இருப்பது
நெற்றி சுருக்கினாய்
அன்பாய் இருப்பதுபோல்
இருப்பது
எனத் திருத்தம் போட்டேன்
பார்க்கவும் செய்தேன்
உன் கண்களுக்கு
மகிழ்ச்சியை மறைக்கத் தெரியாத நொடியை
********************************************
கருத்துகள் இல்லை:
கருத்துரையிடுக