வெள்ளி, மே 14, 2021

தடுக்கிய சொல்

 மூன்றே ரூபாயைத் தர முடியாமல்

திண்ணையிலிருந்து
சொற்ப உடைமைகளோடு
தளர்ந்து நடந்த துரைதாத்தாவிடம்
பின்னாடியே போய்
சிரித்துக் கொண்டிருந்தோம்
கிழிந்த சட்டைக்காக
ரேவதியின் பொன்வண்டு காணாமல் போனது
வளையல் நொறுங்க விஜயாவோடு கைமுறுக்கி சண்டையிட்டது
வாசுவோடு பேசிய சாந்தியின் கன்னம் பழுத்திடக் காரணமானது
எல்லாவற்றின் பின்னாலும் இருந்தது
குழந்தமைதானா ******************************************************
ரொம்பநாள் சுமந்து கொண்டிருந்தேன்
உடனுக்குடன் சொல்லாத நன்றியை
கேட்காத மன்னிப்பை
குட்டிச் சொற்கள்தானென்றாலும்
கனம்...
பிறகு...
பிறகென்ன இலகுவாயிருக்கலாமென
எடுத்துப்போட்டாயிற்று
அதிலொன்றுதான்
சற்றுமுன்
நீங்கள் தடுக்கிவிழப் பார்த்தது

கருத்துகள் இல்லை:

வாழ்ந்தா....

  மாரியம்மன் கோயில் வாசலில் ஆடும் தோரணங்களையும் பொங்கல் அடுப்பு புகைமூட்டத்தையும் ஒன்றின்மேல் ஒன்றாக சரசரக்கும் காக்காய்ப்பொன் சரிகைப் பாவா...