நறநறவென
குழல்விளக்குகளைக் கடித்துத் தின்பவனைப்
பார்த்து வியந்தபோது
ஒரு வளையத்தில்
காலும்
இன்னொரு வளையத்தில் கையுமாகத் தாவிய
பார் விளையாட்டுப் பெண்ணை
அண்ணாந்து பார்த்தபோது
பெட்டிக்குள் பெண்ணையனுப்பி
முயலை வரவழைத்தவனுக்காகக்
கை தட்டியபோது
அறியவில்லை
அத்தனையும்
செய்வேனென்று
கண்ணீர்த் துளியத்தனையும்
இருளில் முகவரிதவறி
நிலவு சொட்டிய
பனித்துளி
என நான் சொல்லவும்
நீங்கள் நம்பவும்...
என் பெருவாழ்வே....
கருத்துகள் இல்லை:
கருத்துரையிடுக