குனி
கொஞ்சம் குனி
கொஞ்சமாச்சும் குனி
குனிவது போல் பாவனையாவது செய்
சரி யாரங்கே
குனிகின்ற
மாதிரி
ஒரு பொம்மையாவது
என் எதிரில் வை
கை நடுக்கம் பெரிய வியாதிதான் போல
***************************************************
இதோ இதோ
இதுதான் வானம்
கூட்டின் வாசலுக்கு அழைத்துவந்து
காட்டிக்கொண்டிருக்கிறது
அம்மாப்பறவை
அம்மா
இது
உன் கண்ணளவா
உன் கையளவா
பிரமிப்பு மாறா என் செல்லமே
நீ
பார்க்கையில்
உன் கண்ணளவு
நீ பறக்கையில்
உன் சிறகளவு
இப்போது
என் அலகளவு
என்றபடி ஊட்டியது புழுவை
கருத்துகள் இல்லை:
கருத்துரையிடுக