திங்கள், அக்டோபர் 25, 2021

வெளிச்சமிடு தீப்பெட்டிப் பொன்வண்டே

 திடீரென்று நினைவு வந்ததா

கனவு வந்ததா
தெளிவில்லை

ஒரு பொன்வண்டின் அசைவு
அவ்வளவுதான்
அந்த தீப்பெட்டியை
எந்த ஆண்டில்
எந்த வீட்டின்
எந்தப் பொந்தில் தேடுவதெனப் புரியவில்லை
பொன்வண்டின் வாழ்நாள் என்ன
நிச்சயம் எனக்காகக் காத்திருக்கிறது
மினுக்கும் புள்ளிகளோடு
நெருக்கியடித்துக் கொண்டு கிடக்கும்
பொன்வண்டே
நான்
வந்தடைய வேண்டிய பாதைக்கு
வெளிச்சமிட்டு
என்னைக் காப்பாற்றுவாயாக
*******************************************************
அழுவதற்கென்று மட்டும் உதிப்பதில்லை துயரங்கள்
மடக்கென்று விழுங்க
மென்று தின்ன
கடைவாயில் வைத்தபடி ஊறும் நீரை
உறிஞ்சிக்கொள்ளவும்
அவதரிக்கும்
பச்சை மூங்கில் பந்தல்காலில் சாய்ந்தபடி
சப்பித்தின்ற ஜவ்வுமிட்டாய் மாதிரி சிலநேரம்
நிறம் படிந்து காட்டியும் கொடுக்கும்

கருத்துகள் இல்லை:

வாழ்ந்தா....

  மாரியம்மன் கோயில் வாசலில் ஆடும் தோரணங்களையும் பொங்கல் அடுப்பு புகைமூட்டத்தையும் ஒன்றின்மேல் ஒன்றாக சரசரக்கும் காக்காய்ப்பொன் சரிகைப் பாவா...