படிப்படியாக வேகம் பெற்று
தேங்காய்ப் பத்தையைத்
தன்னைவிட நைசாக
அரைத்தெடுக்க முடிந்த மிக்சியை
அம்மா
தெய்வங்களின் இருப்பிடத்தில் வைக்க நேர்ந்தது
ஒரு தற்செயல்
எங்கள் சமையலறை அலமாரித் தட்டில்தான்
நல்லவிளக்கோடு
பொங்கல் வாழ்த்து அட்டையை
பழைய காலண்டரை அலங்கரித்து
பின்
சட்டமிடப்பட்ட ஓரிரு தெய்வங்களும்
உட்கார்ந்திருந்தன.
ஒடுங்கிக்கொண்டு
மிக்சியை வரவேற்பதில்
அவற்றுக்கும் ஒன்றும்
ஆட்சேபமில்லை
கருத்துகள் இல்லை:
கருத்துரையிடுக