ஒரு காலத்தைய உணர்வு

உங்களுக்கு நிறைய 
மாறுபட்ட கருத்துகள் இருக்கின்றன
முயல்குட்டியின் நீண்ட காதுகளைப்பற்றியும்
முரடான பசுக்குளம்புகள் பற்றியும்
ஆனாலும் 
அந்தக்காது நீளம்தான்
அந்தக்குளம்பு அழுத்தம்தான்
**************************************************************

கனத்த தார்ப்போர்வைக்கடியில்
நெளிய இயலாது தவிக்கும் மண்புழுக்கள்
வலியறியாது

 மின்வடங்களில் அமர்ந்து கரையும் காகம்

*******************************************************

காய்ந்து ஒட்டிக்கொண்டிருக்கும்

ஒரு காலத்தைய ரத்தம்
ஒரு காலத்தைய சதைத்துணுக்கைப் 

பிய்த்தெறிவதைப்போல
உதறமுடியா மண்ணின் பொருக்கு 

சிதம்பர ரகசியம்

மணங்கொண்டோர் அறிக

*************************************************************