அஞ்சறைப்பெட்டி

உன் பிடித்தவையும்
என் பிடித்தவையும்
வேறுவேறு

உன்னிடத்தில் பிடித்தவையும்
உண்டு
பிடிக்காதவற்றை என் கண்கள் ,மௌனம்
நகரும் கால்கள் சொல்லும்

உன்னைப்பிடிக்கும்
என ஒற்றைஉறைபோட்டுச்சொல்ல வேண்டாம்
உதிரியாகவே இருக்கட்டும்
நகர்த்திவைக்கத் தோதாக

******************************************************

புதிய நிறத்திலொரு பட்டாம்பூச்சி
பிச்சிக்கொடியோரம் சுற்றிக்கொண்டிருந்தது
என்ன நிறமென்று 

அடையாளம் காணவொட்டாத
பறத்தல்
என்வரவின் பதற்றத்தில்
கைப்பிடிச்சுவர் ஓரம் நகர்கிறது
நகர்ந்தேன்
இருந்துவிட்டுப்போகட்டும்
அது அதன் நிறத்தில்
அதன் இடத்தில்