இது எனது இடமல்ல என்ற தீர்மானத்தோடு
எவரோ துப்பிவிட்டுப்போன
வெற்றிலைச்சாற்றின் கறையைப்
பாராததுபோல் நின்றுகொள்ள
வெயில் வற்புறுத்துகிறது
உங்களைத்தவிர மற்றவர்களிடமெல்லாம்
கொய்யாப்பழம் வாங்கிக்கொள்ளக்
கெஞ்சிக்கொண்டிருக்கிறாள் ஒருத்தி
வேறுதிசைப் பேருந்துஒன்று
ஆட்கள் ஏறும் இடைவெளியில்
மணிக்குயில் இசைக்குதடி...
என்று ஆரம்பித்துவிட்டுக்
கிளம்பிவிட்டது
எதிர்ச்சாரியில்
சைக்கிளைச் சாய்த்துப்பிடித்தபடி
கண்ணும் முகமும் கனியக் கதைக்கும் ஜோடி
தலைசாய்த்து சிரித்துக்கொள்கிறது
இருபக்கமும் எட்டி எட்டிப் பார்ப்பதால்
வந்துவிடப் போவதில்லையென்றாலும்
வந்துவிட மாட்டானா
வருவான் கடங்காரன்
'நா ஆளான தாமரை'யை அலறவிட்டுக்கொண்டு
என்றொரு முணுமுணுப்பு
விசுக்கெனப் புறப்பட்டுவிடுமுன்
எத்தனைக்காக எரிச்சல்படுவது
கருத்துகள் இல்லை:
கருத்துரையிடுக