எனைத் தேடும் மேகம்

விழத்தான் போகிறேனென்று தெரியும்
வேடிக்கை பார்ப்பார்களென்றும் 
தெரியும்
அவர்களோடு 
நீயும் மறைந்திருப்பாய் 
என்று தெரியாமல் போனதுதான் 
துக்கம் 
*************************************************
 சொன்னது

சொன்னதாகச் சொன்னது
சொன்னதாகச் சொல்லப்பட்டது
சொல்லப்பட்டதைச் சொன்னது
எல்லாம் தாண்டி வரும்போது 

உன்சொல்
சாயம்போய்விடுகிறது

கத்தரிப்பூ நிறம் 

கரையத்தான் செய்யும் என்றாலும் 

புதுமெருகோடு ஒருமுறையாவது 

ரசித்து உடுத்துவதில்லையா
நேரடியாக 

என்னிடம் ஒருமுறை சொல்லிவிட்டாலென்ன