பச்சைய ரகசியம்

ஆமணக்கு நாலு செடி
இரண்டோ மூணோ வாழைக்குருத்து
மளுக்கென்று உடைத்துக்கடித்துக்கொள்ளும்
பிஞ்சுவெண்டை கொஞ்சம்
போடுமளவு சிறுதிட்டு
ஓரத்தில் நின்ற வேப்பமரத்தடியில் 

அமர்ந்துதான் 

நடவுக்கு நடுவில்
பழையதும் வெங்காயமுமாகப் பசியாறுவது
அழுத்தமான சாய்கிளையில் 

கயிற்றிலாடும் குட்டிப்படையெல்லாம்
ஊஞ்சல் ஊஞ்சலென

இதோ நீதிமன்ற வளாக வேம்பைப் பார்க்கும்போது
அந்தநாள் கண்ணிலாடுவதைப்போல
ஆடியிருக்கலாம்
பாகத்தகராறில் திட்டு எனக்கேயென
உடன்பிறந்தானை வெட்டுமுன்