துதிக்கை

கோயில் முன்நின்று ஆசீர்வதித்த யானை 
புறப்படுகிறது தங்குமிடத்திற்கு
அவசரமாக ஒருவர் 
அருகம்புல்கட்டுகளை நீட்டுகிறார்
அதே தொனியில் 
துதிக்கையைச் சுழற்றித் 
தலைதொட்டுவிட்டுப் போகிறது
பாகனுக்குப்பசி போலும்
விரைந்து எட்டு வைக்கிறான்
வாழைப்பழம் வாங்கிக்கொண்டு 
கடையிலிருந்து வந்து பார்த்த
குழந்தை
 " ஆன......" என்று அழும் குரலுக்கு 
துதிக்கை போலவே வளைந்தாடியது 
ஆனையின் வால்.