வெள்ளி, செப்டம்பர் 27, 2019

துயரத்தைத் துறத்தல்

துயரத்தைத் துறத்தல்
என்பதற்கு
பழைய வண்ணத்தைச் 
சுரண்டுதல் என்ற விளக்கம் தந்தாய்
மேலிருக்கும் 
புதிய பூச்சு கலையாமல் அதைச்செய்யும்
கருவி உண்டா
முகம் கருத்துப்போகிறது உனக்கு


**********************************************************
உயரமான கட்டிடங்கள்
கண்ணாடிகளையே விரும்புகின்றன
சின்ன கட்டிடம் கட்டும்வரைதான்
கல்பட்டுவிடுமோ என்ற
கவலை

******************************************************
என்னைப் புரிந்துகொள்ளவில்லை
என்னைப் புரிந்துகொள்ளவில்லை
ஜபமாலை மணிகளுக்கே 

அலுத்துவிட்டது உன் தன்னிரக்க மந்திரம்
இந்தப்பக்கத்துக் கதவை அடைத்துவிட்டு

 மறுபுறவாயில் வழியாக
வெளியேறிவிட்டவனுக்காக
இன்னும் முழந்தாளிட்டுக்கிடக்கிறாய்
உள்ளிருந்து பூட்டி
சாவியைப் பையிலிட்டதைப்
பார்த்தவள் சொல்கிறேன்
எழுந்திரு

கருத்துகள் இல்லை:

வாழ்ந்தா....

  மாரியம்மன் கோயில் வாசலில் ஆடும் தோரணங்களையும் பொங்கல் அடுப்பு புகைமூட்டத்தையும் ஒன்றின்மேல் ஒன்றாக சரசரக்கும் காக்காய்ப்பொன் சரிகைப் பாவா...