ஊறியநெல்

புழுங்கும் நெல்லின்
வாசமும் ஆவியும் வீச வீச
வியர்வை வழித்தெறிந்து
அன்னக்கூடைக்கு மாற்றுவாள் தங்கம்

ஓலைப்பாயில் ஆறும் அவிந்த நெல்லிலிருந்து
நாலுஅரிசியைத் தேற்றி மெல்லும் ருசியில்
உமியை எறிகிறான்
அரியணைத் திண்டிலிருந்து 

பூச்செண்டு எறியும் அரசபாவனை
சேர்ந்து தெறிக்கிறது
மிச்சமிருந்த முன்கைச்சேறு

சிரித்துக்கொள்கிறது
அவியல்காணக் காத்திருக்கும்

ஊறியநெல்