தலைக்குள் சுற்றும் ரயில்

எதிர்பார்ப்பின் மொழி இரைச்சல்
எழுத்தேயில்லை என்பதை அமுக்கிவிடுகிறது
என்ன பதிலைக் காணோம் என 
அன்றாட அதட்டல் வேறு
*******************************************************
எல்லோரும் அண்ணாந்து பார்க்கிறார்கள்
ஒருவர் கையை ஒருவர் தட்டிக்கொள்கிறார்கள்
எல்லோரும் சிரித்துக்கொள்கிறார்கள்
ரயிலோ என் தலைக்குள் சுற்றுகிறது
சர்க்கஸ் சாகசக்காரனே
இரக்கம்கொள்
நிறுத்து
வெளியேறு
நானும் கைதட்டிக்கொள்வேன்
*************************************************

தென்னை இளங்கீற்றுகளை 

வருடியபடி நின்ற நாட்கள் போயின

இருக்கவே இருக்கின்றன 

வளர்ந்த அடையாளமாக வளையங்கள்
மற்றபடி உங்கள் தலையேயானாலும்
வீழும் காய்