பாதம் தெரியக் கட்டிய சேலை

தானாக அகண்டுவிட்ட
நடையை மறைக்க 
சற்றே மெதுவாக நடக்கிறாள்
வளைகாப்பிட்ட கைகளால் 
தூக்கிப்பிடித்த சேலையை இப்படிப்
பாதம் தெரியக் கட்டியதேயில்லை
இருபத்து நான்காம்தேதியாக 
இருக்கலாம் என்றார் மருத்துவர்
கொஞ்சம் சமாளித்தால்
இருபத்து மூன்றுவரை 
அலுவலகம் போய்விடலாம் என்ற கணக்கினுள் 
அமிழ்ந்தது வயிற்றுப் பிள்ளையின் 
அசைவு
காண்டீன் ஊறுகாயில் வளர்ந்த 
மசக்கைக்குத் தெரியும் 
சம்பளம் என்றால் என்னவென