போங்காட்டம்

நல்லாயிருக்கே உன் விதி
அருவி பாட்டுக்குத்
தலைகீழா விழுமாம்
நனைந்து தலை உதறி துண்டு பிழிந்து கரையேற நீ
குச்சி வைத்து தட்டி
ஒழுங்குபடுத்துகிறேன் பேர்வழியென \

துளிதண்ணீரை உடம்பு ருசிக்காமல் 

அலைய நானா

காடு மணந்து கிடக்குமாம்
பூப்பூவாய் மகரந்தத்தை
இழுப்பிக்கொண்டு
தேனுறிஞ்சிப்பறக்க நீ
என்றோ காய்ந்த பட்டையை
உரித்துப்போடக்கூட
ஆளில்லாத பட்டமரமாக
பட்டாம்பூச்சியைத் தொட்டறியாது 

நிற்க நானா

இதெல்லாம்
கருக்குழியில் தள்ளி களத்தில் இறக்கிவிட்டா
சொல்வது
வருமுன்னர் சொல்லியிருந்தால்
இந்த ஆட்டத்துக்கு நான்
சரிப்படமாட்டேனென மறுத்திருப்பேனே