வியாழன், அக்டோபர் 10, 2019

பேருந்தில் இறங்கிய சிரிப்பு

நகைக்கடை துணிக்கடை
முகவரி ஏந்திய கைப்பைக்குள் 
உருண்டுகிடந்தன
மதியவுணவுக்கலங்கள்
எதற்கென்றே இல்லாது 
எல்லாவற்றுக்கும் 
விழுந்துவிழுந்து சிரித்துக்கொண்டிருக்கும் 
அவளுக்கு அழகிய பல்வரிசை
இல்லான் எத்தியதில் இல்லாமற்போன 
பக்கவாட்டுப்பல் ஓட்டைக்காக 
கைமறைத்து சிரிக்கும் இவளுக்கும் 
அப்படித்தான் இருந்தது
ஒவ்வொருத்தியின்
நிறுத்தமும் வரவர 

நாளை பார்க்கலாமெனச் 
சிரிப்பைப் பேருந்துக்குள் இறக்கி 
இறங்குகிறார்கள்.

கருத்துகள் இல்லை:

வாழ்ந்தா....

  மாரியம்மன் கோயில் வாசலில் ஆடும் தோரணங்களையும் பொங்கல் அடுப்பு புகைமூட்டத்தையும் ஒன்றின்மேல் ஒன்றாக சரசரக்கும் காக்காய்ப்பொன் சரிகைப் பாவா...