கசப்பின் உறைகள்

தொட்டியில் வைத்துக் கொஞ்சினாலும்
மணமில்லை
போகன்வில்லாவில்
***************************************************
எழுந்து நடக்கப்போவதான
பாவனை
 சலித்துவிடுகிறது பாதங்களுக்கு
*********************************************
ஒவ்வொரு நாளுக்குமான கசப்பு 
சிறு உறையிலிட்டு கிடக்கிறது
எடுத்துப்போடப்படாத
ஏராளமான உறைகளில் 
ஏதாவதொன்று 
திடீரெனக் கொட்டிவிடுகிறது
**************************************************
பழுப்பைப்பொறுக்கி
பூச்சிநீக்கி
ஆய்ந்து முடித்தால்
அம்பாரம் அம்பாரம்
முருங்கைக்குச்சி
*******************************************
முடிந்த வயதுகளின்
மடிப்பினை மெல்ல நீவுகிறாய்
உள்ளிருந்து உதிர்கிறது ஓர் உலர்பூ
எத்தனைகாலம்
 நீ எடுக்கவில்லையெனச் சொல்லியபடி
***********************************************