தேவகுமாரன் வருகையை அறிவிக்கும் நட்சத்திரங்களை
தெருவில் ஒவ்வொரு வீடாக
ஒன்று இரண்டு
என எண்ணிக்கொண்டே வந்த பாப்புக்குட்டி
நம்ம வீட்டுலயும் ஒண்ணு கட்டுவோம்
என்றாள் மினுங்கும் கண்களோடு
அப்போது எண்ணிக்கையில் மூன்று சேர்ந்துவிடும்
*******************************************************
நம்பிக்கைகள்
துளிர்க்க
காய்ந்த வைக்கோல் மேல்
பொழியும் பனியோடு
பிறந்திடுவான் ஒரு தேவகுமாரன் என்ற வாசகம்
உங்கள் கைகளில்
வழங்குகிறது அப்பத்தை
நீங்கள் பெருக்கி வழங்குவீர்கள்
யாவர்க்கும் திராட்சை ரசத்தை
முற்றங்கள்தோறும்
இறங்கிப் புன்னகைக்கும்
நட்சத்திரத்தில் எல்லாம் தெரியவில்லையா
அந்தக்
குழந்தையின் பொக்கைவாய்ச் சிரிப்பு
கருத்துகள் இல்லை:
கருத்துரையிடுக