ஊடுபுள்ளிகளில்
எங்கோ ஒரு குழப்படி
இருந்தாலும் மாற்றி மாற்றி இழுத்துக் கோத்து
முடித்துவிடத் தெரிந்த அளவுக்கு
வாழ்க்கையை கோலமாகப் போடமுடியவில்லை
வண்ணங்கொள்ளா சிக்கு
************************************
குனிந்து குழைந்து
மறுமொழி சொல்லிய கணத்தைச்
சமன் செய் வாய்ப்பாக உன்முகம் பார்க்கும்
குப்பை மேட்டுக் குருவி பார்த்து ஒரு பாய்ச்சல்
வாலாட்டாமல்
வாழ முடியாதா என்பது
அதன் பொருளுரை
*******************************************
உன்முன் இரண்டு கதவுகள் இருக்கின்றன
உன்முன் இரண்டு கேள்விகள் இருக்கின்றன
உன்முன் இரண்டு கோப்பைகள் இருக்கின்றன
இரண்டில் ஒன்றுக்காகவே இவ்வளவு நடையும்
கருத்துகள் இல்லை:
கருத்துரையிடுக