ஒரு குவளைத் தேநீரை நீட்டுவாள்
தோள்மீது படியும்
அந்தக் கரத்திலேயே
வாழ்வை ஒப்படைத்துவிட்டதுபோல்
சிலர் அழுவர்
சிலர் நிறுத்தாது பேசுவர்
இதயங்களை லேசாக்கி அனுப்புவதற்கே
வாழ்ந்தவளுக்கு
கனம் இருக்குமென
யாரும் நினைக்கவில்லை
அவள் தோள் தொடாவிடினும்
ஒரு தேநீர்
கொடுத்திருக்கலாம்
**************************************
மழைநீரைக் கிழித்தபடி விரைகின்றன வாகனங்கள்
மழையைப் பார்த்துக்கொண்டிருக்க அனுமதியா
வாழ்வின் கடிகாரம்
நொடிமுட்களின் நுனியில் சொட்டும்
துளிநீர்தான் மழை எனச்சொல்லிக் கடக்கிறது
*****************************************************
தெருமுனையின்
குப்பைமேடு
காணவில்லை
கொதிநுரை
விளிம்பை நெருங்கும்போது
பாலை நிறுத்தியாயிற்று
மிகச்சரியாக
தூதஞ்சல்காரருக்கு
வீடு தெரிந்துவிட்டது
சரி
இந்த சரிகளுக்கெல்லாம்
ஏன் இவ்வளவு அதிர்ச்சியாகிறது
கருத்துகள் இல்லை:
கருத்துரையிடுக