மிருகத்தை எதிர்கொள்ளல்
அல்லது
மிருகமாகப் பழகுதல்
இரண்டில் எது முடியும் உனக்கு
நிறைமரத்தை உலுக்கியெடுத்தல்
உதிரந்தவற்றை மடியில் சேர்த்தல்
இரண்டில் எது
இயலும் உனக்கு
தற்செயல் போல் மோதி உடைத்தல்
உடைசில்லை
ஒற்றி எடுத்தல்
இரண்டில் எங்கிருக்கிறது உன் கை
ஒரே தட்டு போதும்
இப்போது தராசுக்கு
சம அளவு
சம எடை தேடியலையாதே
*****************************************************
பொடிமணல்
எப்போதும் கிடப்பதுபோல
சிப்பியோ கல்லோ இல்லாது
யாரோ சலித்துவிட்டதுபோல
நீட்டி நிமிர்த்திக் கிடத்திவிட்டு வந்தேன்
என் நிழலை
***************************************************
கருத்துகள் இல்லை:
கருத்துரையிடுக