கனன்று தணியும் முச்சந்தியின் பூக்குழிகள்
உதிர்ந்த இலைகள் பூக்கள்
புதிய காய்கள்
சற்றே நீர் ஏறும் கிணறு
கவணைகளில் சரணடையும் மாடுகள்
பள்ளி திரும்பும் சிறார்கள்
எதனாலும் நிறைவடையா கோடையை
வானம் முடித்து வைக்கையில் தூறலாய்ச்சிரித்தபடி
மெய்யாகவே முடிகிறது
************************
பாகம்பிரியாள்
ஆண்டுக்கொருமுறை
தவறாது குடுமிபிடி சண்டை
எத்தனை ஏச்சுபேச்சென்றாலும்
தனிப்பொங்கலிட
பயமுறுத்தும் பாகத்தால்
தட்டிப்போகிறது இன்னொரு படையல்
காய்ந்த சரத்தோடு காத்துநிற்கும்
களத்துமேட்டு கண்ணுடையாளுக்கு
கருத்துகள் இல்லை:
கருத்துரையிடுக