படமான நாள்

Uma Mohan Athmaram Mohan உடன்.

17 மே · 

நண்டு குடைந்த வளையாகிப்போனது
உன் உடல் மட்டுமா

இறுதிச்சொல்லென
இறுதித் தொடுகையென
இறுதிக்கனிவென
எது தங்கியிருக்கிறதென நினைவில்
அடையாளமில்லை
இறுதிக் களைப்பினை
மட்டும் ஏற்றிவைத்தாய்
இனி வாழ்நாளெல்லாம் முட்டிமோதி
எதிரொலிக்கப்போகும் அந்த
லீவ் மி அலோன் எனும் முனகலில்

இப்போதும் ஒரு எதிர்பார்ப்பு
தர்மம் தலைகாக்கும் பாடிக்கொண்டோ
நாலுகிலோசின்னவெங்காயம் நூர்ரூவா 

என்ற தெருவியாபாரியின் ராகத்தை இழுத்தபடியோ
ஏதாவதொரு அறையிலிருந்து
வந்துவிடப்போகிறாய் என்ற 

என் கற்பனையை உடைக்கும் 

இப்புன்னகையை எப்படி ரசிப்பேன்