பொதுவில்தான் கிடக்கிறது
கொஞ்சிய
வெம்பிய
கசந்து துப்பிய அத்தனை சொல்லும்
என்
மௌனம் பீதியுடன்
பார்த்துக்கொண்டிருக்கிறது
எதை எடுக்கப்போகிறாய் என்று
உன் மௌனமும் ரகசியமாக ஓடிவந்து
எனக்கும் எனக்கும் என்கிறது
***************************************
ஒருநாளுக்கொன்றென
பொன்முட்டை விதியையாவது
பின்பற்றக்கூடாதா விதியே
விவரமறியாச் சிறுபிள்ளையா
மனநலம் பிறழ்ந்த
பேதையா
எல்லா எண்களையும்
வளைத்து உருட்டி பூச்சியமாக்கித்
தூரப்போடுகிறாயே
கருணை மதிப்பெண் தந்து
காற்றுக்குத் தொண்ணூற்றைந்து தரப் பழகு
என்று எத்தனை கோரிக்கை வைப்பது
********************************************************
கருத்துகள் இல்லை:
கருத்துரையிடுக