திப்பி திப்பியாக
அதிர்ச்சியின்
கொடூரத்தின்
துயரத்தின் வண்ணங்களைப்
பூசிக்கிடக்கிறது நகரம்
எப்போதும்போல
சிலந்திக்கூடுகளை உடைத்த நாவைத்
துழாவியபடி
நகர்கின்றன
பல்லிகள்.
வியந்து நடுங்கிய சிலந்திகள்
ராபர்ட் புரூசை மறந்துவிட்டன
******************************************
சொரசொரவென சிமெண்டு பூசிய முற்றத்தில்
கட்டங்கள் இருந்தன
பாவாடை தடுக்கி விடாமல் தூக்கிச்செருகிக் கொண்டு
ஓட்டாஞ்சில்லை வீசி வீசித் தாண்டிய கட்டங்கள்
அண்ணாந்த நெற்றியின்மேல் வைத்த சில்லு
நழுவி விடாதபடி
நேக்காகத் தாண்டிய கட்டங்கள்
நொண்டியடிக்கையில்
ஒற்றைப் பாதத்தில்
கொலுசு ஒலிக்க
குதித்த வேகம் தாங்கிய கட்டங்கள்
தேய்ந்த கோடுவழி
சாக்பீஸ் நினைவூட்டலை
ரசித்த கட்டங்கள்
அப்புறம் ஒருநாள்
சிவப்பு சிமெண்டு வராந்தா
சின்னக்கட்டங்களின்
தாயச்சோழிகளை
மௌனமாக
வேடிக்கை பார்க்கத் தொடங்கின
முற்றத்துக்கட்டங்கள்
கருத்துகள் இல்லை:
கருத்துரையிடுக