பயணக்குறிப்பு

 தூரத்திலுள்ள... என்ற முற்றுப்பெறா பயணக்குறிப்பை மட்டும் விட்டு வைத்திருக்கிறாய்

தூரத்திலுள்ளமலையுச்சிக்குப்போனாயா

தூரத்திலுள்ள கடற்கரை மணலில்

நடந்தாயா

தூரத்திலுள்ள வனத்தில் ஏதோ ஒரு மரப்பொந்தை அச்சத்துடன் அணுகினாயா

தூரம் என்பதை

எப்படித்தான் முடிவுசெய்து உன்னைத்தேட

பயணக்குறிப்பு படபடக்கிறது

தூரத்திலுள்ள

உன் மனம் என்று நினைக்க மாட்டாயா

காற்றில் பறந்துவிடாதே என்றொரு கனத்தை ஏற்றி அமைதிப்படுத்தினாள்

அமைதி! அமைதி!