கேட்டுவிட்ட ஆசுவாசமே போதும்
பதில் தேவையில்லை
விரித்து நீவிவிட்டு
ஒரு கிளிப் போடுவதோடு முடிந்தது
காய்வது என் வேலையல்லவே
*********************************************
இன்னும் கொஞ்சம் பேச வேண்டும்
இன்னும்சற்றே பெரிய குவளைத் தேநீரோடு
இன்னும் அதிர்சிரிப்புகளோடு
இன்னும் சில தோள்தட்டல்களோடு
மிச்சம் உள்ள ஒவ்வொரு புள்ளிக்காகவும்
ஒரு பூவில் அமரும் வண்ணத்துப்பூச்சிபோல
மிச்சம் உள்ள ஒவ்வொரு நாளுக்காகவும்
கருத்துகள் இல்லை:
கருத்துரையிடுக