புதியதொரு
தேயிலைத்தூள் பெட்டியைத் திறந்தேன்
மெல்லக் கால்பதித்து அட்டை உடைந்துவிடாதபடி
தூளுக்குள் புதைந்துகொண்டேன்
வெண்கொழுந்து தொடங்கி
முற்றி
முக்காடிட்ட பெண்ணின் முதுகுக்கூடைக்குள்
லாவகத்தோடு விசிறப்பட்ட தருணம் வரை
வளர்ந்தேன்
வெயில் குடித்தேன்
பனி உறிஞ்சினேன்
மழைப்பெருக்கைக்
காலில்எத்தி எத்தி இறக்கிவிட்டேன்
முறுகப்பரத்தி வைத்த அனல்கூட்டினுள்
ஓடிக்கொண்டிருக்கையில்
உன்னைக்கண்டேன்
நலந்தானே
என்றது தேத்தூள்
நெஞ்சாரத் தலையசைத்தேன்
வாருங்கள்
ஒருகோப்பைத் தேநீர் பருகுவோம்
கருத்துகள் இல்லை:
கருத்துரையிடுக