ஆயிரம் தூண்களை பூதங்கள் நட்டு விதானம் வைக்குமுன் விடிந்த ஊரில் பிறந்தேன் நான்
அச்சு நாணயங்களையும்
அழகுப்பானைகளையும்
புதையவிட்டுப் போன முப்பாட்டன் வம்சம்தானே
மண்மூடிய கலைகள்
காற்று உடைத்த பொம்மைகள்
அழுந்தி அழுந்திக்கரியான கானகங்கள்
சிதிலங்களை மீட்டு மீட்டு
வியர்வை பொங்க சிரிக்கும்
மானுடத்தின் பிஞ்சுகள் நாம்
நடுங்கும் மனதைத் தடவிக்கொடுத்தபடி பார்க்க
உங்களிடமும் இருக்குமே
ஏதாவதொரு கோட்டையில் கோயிலில்
கடந்த காலத்தோடு கைகுலுக்கிய படம்
எதிர்காலத்தோடும்
கைகுலுக்குவோம்வாருங்கள்
கருத்துகள் இல்லை:
கருத்துரையிடுக