பழைய ஊறுகாய் பாட்டிலில் எண்ணெயும் தெருவாசல் அரளியுமாகப் பதினோரு சுற்று சுற்றிவருவதன் மூலம் அவள் பிறவிப்பெருங்கடல் தாண்ட விரும்பியதில்லை
பிள்ளைகளின் மதிப்பெண் கூடுவது
கணவனின் சர்க்கரை குறைவது
வீட்டுக்கடனை
ஒழுங்காக அடைக்க முடிவது
வண்டி நொடிக்கும் நேரத்தில்
பிரேக் போடும் மாயம்
மட்டுமே வேண்டுவாள்
தொகுதிப் பிரமுகர் போலக் கோரிக்கை மனுவை
படித்துப் பார்க்காமல்
குப்பைத் தொட்டியில் போட்டுவிட்ட சமயங்களில் கூட
அவள் கடவுளுக்கு
மறுவாய்ப்பு கொடுப்பாள்
கதவைச் சாத்திக்கொண்டு அழிச்சாட்டியம்
பண்றியா
காப்பித்தூளுக்கு
வெந்நீர் ஊற்றியபடி
கேள்வி கேட்கிறாளே
இப்போது இந்த ஃபில்டரும் தெய்வம்
கருத்துகள் இல்லை:
கருத்துரையிடுக