முட்டக்கண்ணி கதை

 அவளிடமும் இருந்தது

ஒரு மஞ்சள்சேலை

முட்டகண்ணி பானுப்பிரியா போல

ஒற்றையில் வழியவிட்டு கூந்தலை உலர்த்தியபடி

கொல்லை தென்னை மரத்தைக் கட்டிச்சுழல ஆசையும் இருந்தது

ஈற்று நின்ற கிழப்பசுவை அந்த தென்னையிலும்

அவளை

அடுத்த ஊரிலும்

கட்டிவைத்தார்கள்

அந்த மஞ்சள் நைலக்ஸ் சுருங்கி மேலேறியும் மறக்காமல் முந்தானையை இழுத்துச் செருகியபடி

அங்கு ஒரு தென்னம்பிள்ளைக்குத் தண்ணீர் ஊற்றிக்கொண்டிருந்தாள்