முழங்கையில் நீர் வழிய
கடிக்கும் தர்பூசணித் துண்டை
வேடிக்கை பார்க்கும் எவரிடமும் காட்டி
வேணுமா எனக் கண்ணாலோ
தலையசைப்பாலோ
கேட்டுக்கொண்டிருந்த குழந்தை
இவ்வருடம் யாரையும் பார்க்காது
உறிஞ்சி உறிஞ்சி தின்று கொண்டிருக்கிறது
ரஃப் நோட்டின் தாள் கிழித்து
கொய்யாக்காயை கிடைத்த கல்லால் நசுக்கி
துக்குளி துக்குளியாய்ப்
பங்கிட்டுக் கொண்டிருந்த நான் எந்த வயதில்
கடித்துத் தின்ன ஆரம்பித்தேன்
நினைவில்லை
பாலகாண்டங்கள்
திடீரென்று முடிந்துவிடும் போல
கருத்துகள் இல்லை:
கருத்துரையிடுக