இந்த உலகம் என்பது
பௌர்ணமி நிலவொளியைப் பற்றிக்
கவலையே படாமல்
வண்டியில நெல்லுவரும் என
அலறவிட்டுக் கொண்டிருப்பவர்களும்
சேர்ந்ததே
இந்த உலகம் என்பது எல்லோரும்
விரல்தேய ஆழ்ந்த இரங்கல் செய்தியை
அனுப்பிக் கொண்டிருக்கையில்
கமிஷன் கணக்கைக்
கூட்டிக் கழித்துக்
கொண்டிருப்பவர்களும் சேர்ந்ததே
****************************************************
விறுவிறுவென்று நடந்து செல்பவர்களைப் பார்த்து
போலச்செய்கிறது நிலா
புதினா மணக்கும் தேநீர் அலுங்காமல்
சன்னல் வானத்தோடு
முடிகிறது
கதவுக்கு வெளியே கால்வைக்காத நாள்
கருத்துகள் இல்லை:
கருத்துரையிடுக