குட்டிப் பந்தாக
மேசைமேல் கிடக்கிறது சாக்லேட்
உச்சியில் ஒரு சிற்றெறும்பு
காற்றில் உருள்கிறது
சாக்லேட்
எறும்பு இப்போதும் உச்சியில்
அவ்வளவு பிடிமானம்
****************************************
குட்டி ஜெம்ஸ்
எண்ணியெண்ணிப் பகிர்ந்த பிரியம்
நிறம் தேடிய சண்டை
எந்த ருசியும் இல்லை
ஒற்றைப் பட்டைகளின்
ஒற்றைப் பிள்ளைகளின்
காலத்தில்
****************************************
சரசரவெனக் கயிற்றை விட்டு
பொத்தென வாளிமுங்கும் தருணம்வரைத்
தெரியவில்லை
உள்ளங்கை எரிச்சல்
அவளுக்குப் பதிலாகக்
கிறீச்சிடுகிறது சகடை
கருத்துகள் இல்லை:
கருத்துரையிடுக