அழகருக்கென்ன
செயற்கை ஆறு வெட்டவாவது ஆளிருக்கிறது
சித்திரை நிலா
அண்ணாந்து பார்க்க கண்ணில்லாத கொடுமையில்
ஒளிந்து கொள்ள
இல்லாத மேகத்தைத் தேடுகிறது
காய்ச்சல் சளி இருமல் மூச்சு
ஆக்சிஜன்
ஊசி கஷாயம் என்றே பேசுகிறோமே
ஏம்பா நான் சரியாத்தான் பேசுறேனா
என்றாள் அவள்
ஒரு மனுஷியாட்டம் பேசறே
சொல்லிவிட்டு
அடுத்தவீட்டு மாடிக்குப் போகிறது நிலா
******************************************************
ரெண்டு கீத்து மாங்காய்
உப்பும் காரமுமாக
அது அது அவ்வளவுதான்
அன்புன்னா
கூடத்தான்
***********************************************
அழுத்தம் அழுத்தம்
அம்முகுளி என்றிருப்பாள் ஆத்தா
உன்னைப் பார்த்திருந்தால்
நீ பார்த்து விட்டாய்
என்பதை
நான் பார்த்துக்கொள்ள
உதவிய நீலத்தைக்கூடவா
அழித்துவிட வேண்டும்
நீலத்தை அழித்துவிட்டால்
வானத்திலாவது வெள்ளை இருக்கும்
வாட்சப்பில் என்ன இருக்கிறது
கருத்துகள் இல்லை:
கருத்துரையிடுக