என்ன காரணத்தாலோ தொடர்பற்றுப்போன நண்பரைத் தேடிப் பேசியதும்
ஒரு துண்டு ரொட்டியைத்
தெருநாய்க்குப் போட்டதும்
அன்புக்கும் கருணைக்கும்
அடையாளமென்று மனம் சொன்னது
இவங்கள்ளாம்
எப்படித்தான் இருக்காங்களோ
ஒரு துளி அன்பும்
கருணையுமில்லாமல்
தீன கருணாகரா
************************************
பளிங்குபோலச்
சலனமற்ற முகங்களோடு
சாவு செய்தியைச் சொல்பவர்களைப்
பார்க்க அச்சமாகிறது
என்கிறாய்
உன் கையிலிருக்கும்
தீனியைச் சிந்தாது
கவனமுடன் பார்க்க முடிகிறவரை
கூட்டிக்கழித்துப் பார்
கணக்கு சரியாகத்தான் வருகிறது
கருத்துகள் இல்லை:
கருத்துரையிடுக