யாரோ நாற்காலி பற்றி
எழுதியிருக்கிறார்கள்
நாற்காலி படங்களாகக் காட்டி
என் விருப்பம் கேட்கிறது
இணையம்
இரண்டுபேர் உட்காரத்தக்க
அகலத்தின்
பழகிப்பழகிக் கருத்த
எங்கள் மரநாற்காலி
யார் யாரையோ உட்கார்த்தி
இறுதிப்பயணம் போன வரலாறு
ஒருநாள்
அடுப்பெரிக்கும் சிராத்துண்டாகி
முடிந்தபோது
அவ்வளவு மழமழப்பும்
உடையுமா எரியுமா
என வியந்த எங்கள் விழிகளுக்குள்
இவ்வளவு ஆண்டும்
உறுத்திக் கொண்டிருப்பது
இன்றுதான் தெரிகிறது
கருத்துகள் இல்லை:
கருத்துரையிடுக