அவளுடைய தேநீர்க்குவளையை நமது அபிப்ராயங்களால் நிரப்பாது இருப்போமாக
கண்ணுக்குத் தெரிவது
குவளையின் பூவேலைப்பாடுகள்
குழந்தைபோல் ஏந்தியிருக்கும் பாங்கு
மற்றும்
முகம்
*****************************************************
அதன்போக்கில் நகரும் நிலவை
மறைக்க வந்துவிடுகிறது
ஒற்றைமரம்
கிளையிடுக்கில் சிக்கிவிடாது
விடுவித்து மேலெழுகையில்
மறைக்கப் போதுமாயிருக்கிறது
மொட்டைமாடிகளின்
சின்டெக்ஸ் தொட்டித்தொடர்
************************************************
முகம் பார்க்காது திரியும் நாட்களிலும்
சுணங்க வைத்த
உன்சொல்லைச் சொல்லும்
எவர் குரலிலோ
எட்டிப் பார்த்துவிடுகிறாய்
**********************************************
கருத்துகள் இல்லை:
கருத்துரையிடுக