புன்னகையோடுதான் சொல்கிறீர்கள்
உங்கள் ரயிலைத்
தவறவிட்டுவிட்டதை
உங்கள் செல்ல நாய்க்குட்டி
தொலைந்துபோனதை
உங்கள் வரம் விழுந்து நொறுங்கியதை...
அதே புன்னகையோடு கேட்டுவிட்டு
பிறகு சந்திக்கலாம்
டேக் கேர் என்று கைகுலுக்கினார் அவரும்
எத்தனை நாகரிகம் வளர்ந்துவிட்டது
***************************************************
தந்தையின் இருசக்கர வாகன முன்னிடுக்கு
சரியாகத்தான் இருக்கிறது
நின்றுகொண்டு
ராஜ்ய பரிபாலனம் செய்ய
தெருமுனையில்
சுருண்டிருக்கும் புச்சுக்குட்டியை
அச்சசூ இன்னும் தூங்குதுப்பா
என்று சிணுங்கியபடி கடந்து செல்கிறாள்
பாப்புக்குட்டியின்
சீருடைக்கு மேலாடும்
அடையாள அட்டைக்குள்ளும் ஒரு
புச்சுக்குட்டிதான்
*****************************************************
கருத்துகள் இல்லை:
கருத்துரையிடுக