எப்போதும் முச்சந்தியில்தான் நின்றுகொண்டிருந்தோம்
வேண்டும்
வேண்டாம்
ஒன்றுமில்லை
ஆம்
இல்லை
ஒன்றுமில்லை
நடக்கும்
நடக்காது
ஒன்றுமில்லை
மூன்றில் ஒன்றைத் தேர்வு செய்
என்ற நரகவேதனையிலிருந்து
தப்பிக்க
என்னபாடு பட்டிருக்கிறீர்கள்
ஒன்றுமில்லை என்ற ஒன்றுமட்டும்
இருந்தால் போதாதா என்று
எவ்வளவு தவித்திருப்பீர்கள்
உங்களுக்காக தேவன் இரங்கினான்
உங்கள் முடிவுகளை
நீங்கள் எடுக்க வேண்டியதில்லை என்ற
நற்செய்தியைச் சொல்லிவிட்டு
மறக்காமல்
இருபது வினாடி சோப்பு போட்டு
கை கழுவிக் கொண்டான்.
நல்ல நுரை
அப்பாடா...
வைரசின் உறை உடைந்திருக்கும்
கருத்துகள் இல்லை:
கருத்துரையிடுக