யாராவது சொல்ல விரும்புகிறீர்களா
எங்கோ ஒரு இறுக்கமான
முகத்தின் எதிரில் நின்றுகொண்டு
ஆமாம்
அப்படித்தான் என்று
சரி அதற்குமுன் இங்கு வாருங்கள்
என் கையைக்
கெட்டியாகப் பிடித்துக்கொள்ளுங்கள்
ரொம்ப சில்லென்று இருக்கிறதே
என யோசிக்க வேண்டாம்
வலிக்கும்படி இல்லாமல்
இறுகப்பற்றிக்கொள்ளுங்கள்
நானும் அந்த அப்படித்தானைச்
சொல்ல வேண்டியிருக்கிறது
சொல்லிவிட்டபின்
இறகாகி
உங்களுக்குத் துணைக்கு வருவேன்
நிச்சயம்
கருத்துகள் இல்லை:
கருத்துரையிடுக