அவசரமாக மூக்கை உறிஞ்சிக் கொள்வதைக் கவனித்து கைக்குட்டையை நீட்டும்
பித்தவெடிப்பின் வலிக்கு
விளக்கெண்ணெயும் மஞ்சளும்
பூசிப்புரண்ட படுக்கை விரிப்பைத்
தனியாகத் துவைக்கும்
மூன்றுநாள் மூர்க்கத்துக்கு
எதிர்ச்சண்டை போட்டுவிட்டு
முடியலன்னா சொல்ல வேண்டியதுதானே
ஏன் விழுந்து பிடுங்கணும்
என முணுமுணுத்தபடி
உணவுப்பொட்டலத்தோடு திரும்பும்
பிள்ளைகளோடு
போகும் பொழுதுக்கு
பங்காளிச்சண்டை வளர்த்து
அந்தக்கையோடே மகவைத்
தலைக்குமேல் தூக்கிப்போட்டுப்பிடித்து
தன் உரிமையை நிலைநாட்டும்
வாழ்வை
வாழாத எவனோதான்
கண்டுபிடித்திருப்பான்
ஏழு இலக்க எண்ணை அனுப்பி
உறவு பற்றிப் பேச வா
என்றழைக்கும்
பரிதாபத்தை
கருத்துகள் இல்லை:
கருத்துரையிடுக